«Ժողովուրդ». Հովիկ Աբրահամյանին չի հաջողվել հաշտեցնել Սյունիքի մարզպետին ու Մաքսիմ Հակոբյանին
Հայկական Մամուլ
ՀՀԿ գոյություն չունեցող նախընտրական շտաբի պետ Հովիկ Աբրահամյանը երեկ, ի տարբերություն Տիգրան Սարգսյանի ավտոբուսի, ուղղաթիռով էր Սյունիք մեկնել: «Ժողովուրդ»-ի լավատեղյակ աղբյուրները փոխանցում են, որ Աբրահամյանի այցի նպատակը եղել է Սյունիքի մարզպետ Սուրիկ Խաչատրյանին և Զանգեզուրի պղնձամոլիբդենային կոմբինատի գլխավոր տնօրեն Մաքսիմ Հակոբյանին հաշտեցնելը: Նրանք տևական ժամանակ է՝ չեն շփվում միմյանց հետ: Եվ անգամ Աբրահամյանին չի հաջողվել հաշտեցնել նրանց, քանի որ Մաքսիմ Հակոբյանը չի զիջել: Աբրահամյանը նշել է, որ դա պետք է արվի գոնե հանուն ՀՀԿ-ի, Հակոբյանն էլ բացատրել է, որ ինքը ՀՀԿ-ին հարգում է, բայց կմտածի:
«Ժողովուրդ»-ը զրուցել է Հակոբյանի հետ, ով չի ընդունել իր ձևակերպումը՝ հաշտեցնելու մասով. «Ինչի՞ պիտի մեկ ուրիշը գա հաշտեցնի, եթե մենք նույնիսկ ընկերներ ենք, շատ մոտ ընկերներ ենք եղել, բայց հիմա դառել ենք սովորական ընկերներ, դրա կարիքը չկա»: Հակոբյանը հավելել է, որ երեկ Աբրահամյանի և Խաչատրյանի հետ հանդիպել է, սակայն դա աշխատանքային հանդիպում է եղել:
ՈՒՂԻՂ ԵԹԵՐ
Ամենադիտված 
Մահացել է երգիչ Հովհաննես Գրիգորյանը
