«Առավոտ».Նազիկ Ավդալյանը կկարողանա՞ Գյումրու խնդիրները բարձրաձայնել խորհրդարանում

Վերջերս մամուլում տեղեկություններ հրապարակվեցին այն մասին, որ աշխարհի չեմպիոն, ծանրամարտիկ Նազիկ Ավդալյանը զբաղեցնելու է ԲՀԿ համամասնական ցուցակի 6-րդ հորիզոնականաը,այսինքն՝ միանշանակ պատգամավոր է դառնալու:

Երեկ «Առավոտ»-ը ԱԺ պատգամավոր, Շիրակի մարզային կառույցի պատասխանատու Մարտուն Գրիգորյանից հետաքրքրվեց, թե ինչպե՞ս է վերաբերվում սպորտսմենուհու՝ պատգամավոր դառնալու փաստին, մի՞թե նա կկարողանա հոգսաշատ Գյումրու խնդիրները արժանավայել բարձրացնել խորհրդարանում, և, առհասարակ, ԲՀԿ առաջնորդ Գագիկ Ծառուկյանը Գյումրիից թեկնածուներ ընտրելիս խորհրդակցու՞մ է Մարտուն Գրիգորյանի հետ: «Ճիշտն ասած՝ նման քննարկումներ չի եղել, և այս պահի դրութամբ հստակ, կոնկրետ բան չկա, թե Նազիկ Ավդակյանը համամասնական ցուցակում կա՞, թե՞ չկա: Իսկ ինչ վերաբերում է ընդհանուր ցուցակին, նա երևի աշխատել է այն սկզբունքով, որ կին ընդգրկվի համամասնական ցուցակում, նաև, ինչու: չէ, եթեէդ մարդը աշխարհի չեմպիոն է, մեզ պարզճակատ արած մարդ է, նա նաև Ազգային Ժողովում կակրողանա ցուցադրել իր ուժերը, ինչի՞ չի կարողանա: Քաղաքում կա թիմ, կան գրասենյակներ, մարզային խորհուրդ, բնականաբար՝ ընդհանուր թիմով, խորհրդով աշխատելու ենք, հետո էլ հարցերը ներկայացնելու ենք կառավարությանը, իսկ թե որ մեկս ո՞ր հարցը կներկայացնենք, ինչի՞ն հետևողական կլինենք՝ դա տեխնիկական հարց է»,-ասաց ԲՀԿ-ական պատգամավորը: