Քրդերը դեմ են Քուրդիստանի ստեղծման մեջ Թուրքիայի միջնորդությանը
Թուրքիա
Իրաքի նախագահ Ջալալ Թալաբանիի հիմնադրած «Քուրդիստանի հայրենասերների կուսակցության» նախագահ Ադել Մուրադը հայտարարել է, որ դեմ են Քուրդիստան պետության ստեղծման մեջ Թուրքիայի և Իսրայելի միջնորդությանը: Ինչպես հաղորդում է «Արմենպրես»-ը` վկայակոչելով թուրքական ԶԼՄ-ները, նա հայտարարել է, որ քրդական պետության ստեղծման մեջ միջնորդ դարձած Թուրքիան և Իսրայելը «ամենավերջում դավաճանելու են քրդերին»:
«Թուրքիայի վարչապետ Ռեջեփ Թայիփ Էրդողանը ցանկանում է մեզ օգտագործել որպես բուֆերային գոտի: Նա ուզում է Քուրդիստանին դնել «Իրաքի և Լևանտի իսլամական պետություն» ահաբեկչական խմբավորման հռչակած «իսլամական պետության» դեմ, և դրանից հետո տեր կանգնել քրդական նավթին: Էրդողանի իրական նպատակը քրդական նավթն է: Ներկայումս Անկարան լռությամբ աջակցում է Քուրդիստանի ստեղծմանը՝ սեփական նպատակներին հասնելու համար»,- հայտարարել է իրաքյան Քուրդիստանի ինքնավարության ստեղծման մեջ մեծ դերակատարություն ունեցած կուսակցության նախագահը:
ՈՒՂԻՂ ԵԹԵՐ
Ամենադիտված 
Սոչի մեկնող ինքնաթիռը ճանապարհին անցկացրել է մեկ օր, սակայն տեղ չի հասել
