Աշխարհի ամենահարուստ մարդկանցից քսանը մեկ օրում 11.3 մլրդ դոլար են կորցրել

Աշխարհի ամենահարուստ մարդկանցից 20–ը նախօրեին ընդհանուր առմամբ 11.3 մլրդ դոլար են կորցրել համաշխարհային ֆոնդային շուկաներում Եվրոպայում տնտեսական աճի նվազման և Հունաստանի պետական պարտքը հաջողությամբ վերականգնելու ներդրողների կողմից մտավախությունների ֆոնին, հաղորդում է Bloomberg–ը։

Ամերիկյան ներդրող Ուորեն Բաֆետի 43,9 միլիարդ դոլար կարողությունը մեկ օրում 407,3 միլիոն դոլարով նվազել է։

Համաշխարհային պողպատի արդյունաբերության գիգանտ ArcelorMittal ընկերության ղեկավար Լակշմի Միտալն իր ցուցանիշներով դուրս է մնացել 20–յակից՝ մեկ օրում կորցնելով 918 միլիոն դոլար։ Նրա կարողությունը այժմ կազմում է 22.3 միլիարդ դոլար։

Microsoft-ի հիմնադիր Բիլ Գեյթսի կարողությունը նվազել է 805,4 միլիոն դոլարով՝ դառնալով 61,3 միլիարդ։

Google-ի հիմնադիրներ Սերգեյ Բրինը և Լարի Պեյջը միասին կորցրել են 560 միլիոն դոլար, որի պատճառով կորպորացիայի բաժնետոմսերը 1.5 %-ով նվազել են։

ԱՄՆ-ի ֆոնդային շուկաների ցուցանիշը նախօրեին նվազել է գրեթե 1,5 %-ով, իսկ եվրոպական ֆոնդային բորսաներում՝ կրճատվել է 3 %-ով։

Դա պայմանավորված է այն բանով, որ ներդրողները անհանգստանում են Հունաստանի պետական պարտքի խնդրի անորոշությունից։ Հինգշաբթի Հունաստանում մասնավոր ներդրողները պետք է հայտարարեն, արդյոք նրանք ցանկանում են մասնակցել պարտատոմսերի փոխանակմանը, թե՝ ոչ, քանի որ դա նույնպես Հունաստանին ֆինանսա–տնտեսական ճգնաժամից դուրս բերելու գործարքի մաս է կազմում։ Պարտատոմսերի գնման հայտեր ներկայացնելու ժամկետը սպառվում է մարտի 8–ին։ Հակառակ դեպքում, Հունաստանին սպառնում է անվերահսկելի դեֆոլտ, որի հետևանքով այդ երկրի պետական պարտքը կհասնի մինչև 1 տրիլիոն եվրոյի։