Ջորջ Վաշինգտոնին հիշեցնող հավի կտորը վաճառվել է 8100 դոլարով

ԱՄՆ Նեբրասկա նահանգի բնակիչ Ռեբեկա Սպեյտը eBay-ում հավի նագետը վաճառել է 8100 դոլարով։ Բանն այն է, որ ուտեստը հիշեցնում է ԱՄՆ առաջին նախագահ Ջորջ Վաշինգտոնին, հաղորդում է NEWSru.com-ը

Սպեյտը պնդում է, որ հավի «հայրենասիրական» կտորը հայտնաբերել է դեռևս երեք տարի առաջ։ Նա արդեն պատրաստվում էր աղբաման շպրտել ուտեստը, սակայն պատահաբար նկատել է ԱՄՆ-ի հիմնադիր հորը հավի կտորի նմանությունը։ 

Դրանից հետո Ռեբեկան հավի միսը վաճառքի է հանել eBay-ում։

«eBay-ը մի պահ դադարեցրեց աճուրդը՝ ժամկետանց սննդի վաճառքն արգելված լինելու հիմնավորմամբ»,- պատմում է Ռեբեկան՝ հավելելով, որ որոշ ժամանակ անց նրան բացառության կարգով հնարավորություն են ընձեռել շարունակել աճուրդը։