Լիբիան կարող է տրոհվել ինքնավար շրջանների

Լիբիայի նավթային պաշարներով ամենահարուստ Կիրենաիկա շրջանի ղեկավարությունը հայտարարել է Լիբիայի կազմից դուրս գալու և ինքնավար դառնալու մասին՝ այդպիսով ի ցույց դնելով երկրում պառակտման մթնոլորտը և նրա գործող իշխանությունների անկենսունակությունը։ Այդ շրջանի ինքնորոշման իրավունքի օգտին հանդես է եկել Ազգային անցումային խորհրդի անդամներից մեկը։ Մինչդեռ, Անցումային խորհրդի ներկայացուցիչների մի մասը հայտարարել է, որ այդ շրջանի ինքնորոշման նախաձեռնությունը սադրանք է օտարերկրյա պետությունների կողմից, հաղորդում է Вести.ru-ն։

Բենգազի քաղաքում, որը համարվում է Լիբիայի հեղափոխության կենտրոնը, տեղի բնակչությունը մեծ աղմուկ է բարձրացրել՝ պահանջելով պահպանել երկրի տարածքային ամբողջականությունը։ Սակայն այդ պատճառով կազմակերպված հանրահավաքի մասնակիցների թիվը չի գերազանցել մի քանի հարյուրը։ 

«Լիբիայի ժողովուրդը միասնական է։ Երբ մենք մեկ տարի առաջ հեղափոխության սկսեցինք, դրա հիմնական նպատակը Լիբիան մի քանի մասի մասնատելու փորձերը կանխելն էր», – ասել է Բենգազիում տեղի ունեցած ցույցի մասնակիցներից մեկը։  

Հիշեցնենք, որ 2011–ի հոկտեմբերին ընդդիմության կողմից Լիբիայի նախկին առաջնորդ Մուամար Կադաֆիի ռեժիմի տապալումից հետո ժամանակավոր կառավարությունը չի կարողանում իր վերահսկողության տակ վերցնել երկրում սկիզբ առած ապստամբական շարժումը, որը լուրջ սպառնալիք է դարձել լիբիական պետության գոյությունը համար։