Ռուսաստանի հետ խաղաղության պայամանգիր կստորագրենք, եթե ստանանք Հարավային Կուրիլյան կղզիները. Ճապոնիայի վարչապետ

Ճապոնիան պահանջում է Ռուսաստանին՝ վերադարձնել Կուրիլյան չորս կղզիները։ Այս մասին հայտարարել է Ճապոնիայի վարչապետ Յոշիհիկո Նոդան։ Ելույթ ունենալով Ճապոնիայի խորհրդարանի Ստորին պալատում՝ Նոդան ասել է, որ միայն Շիկոտան և Հաբոմաի կղզիները վերադարձնելու Ռուսաստանի առաջարկն անընդունելի է, հաղորդում է Газета.Ru–ն։

Ճապոնիան նախատեսում է խաղաղ համաձայնագիր ստորագրելուց հետո վերադարձնել Իտուրուպա, Շիկոտան, Կունաշիրա կղզիները և Հաբոմաի կղզիախումբը, որը Երկրորդ համաշխարհային պատերազմի ավարտից հետո կցվել է Խորհրդային Միությանը։

Հունվարի վերջին NHK ճապոնական հեռուստաընկերության եթերում ՌԴ ԱԳ նախարար Լավրովը ասել էր, որ Հարավ Կուրիլյան կղզիների վերադարձման հարցը հնարավոր է որոշվի հանրաքվեի միջոցով։

Սակայն, ավելի ուշ, Ռուսաստանի արտաքին գործերի նախարարության ներկայացուցիչը հերքել էր այդ տեղեկությունները։ Ըստ նրա՝ «առողջ դատողության տեր ոչ մի քաղաքական գործիչ երբեք այդ հարցը հանրաքվեի չի դնի»։