Մենք մանրամասն դիտարկում ենք բոլոր բանակներում կատարվող ինքնասպանությունները. Արծրուն Հովհաննիսյան

ՀՀ ՊՆ մամուլի խոսնակ Արծրուն Հովհաննիսյանը ֆեյսբուքյան իր էջում գրում է.

«Մինչև այս տարվա հուլիսի կեսեր ԱՄՆ-ի բանակում գրանցվել է զինծառայողների ինքնասպանության 161 դեպք: Անցած տարվա նույն ժամանակահատվածում եղել է նման 154 միջադեպ: Ինքնասպանությունների թիվը մեծացել է ծովային հետևակում, իսկ ռազմածովային ուժերում ընդհանրապես և ռազմաօդային ուժերում նման դեպքերի թիվը նվազել է:

2013 թվականին ամերիկյան բանակում ինքնասպանությունների ընդհանուր թիվը, 2012-ի համեմատ, կրճատվել է՝ 319-ից դառնալով 259, այսինքն՝ մոտ 20 տոկոսով: Մենք մանրամասն դիտարկում ենք բոլոր բանակներում կատարվող ինքնասպանությունները և համեմատություններ կատարում»: