Սիրիայի Նավթային պաշարների փոխնախարարը անցել է ընդդիմության կո՞ղմը

Սիրիայի նավթային պաշարների փոխնախարար Աբդո Հուսամելդինը YouTube-ում մի տեսահոլովակ է տեղադրել, որտեղ հայտնում է իր հրաժարականի և ընդդիմության կողմն անցնելու մասին, հաղորդում է Газета.Ru–ն։

«Ես, Աբդո Հուսամելդինս՝ Սիրիայի նավթային և հանքային ռեսուրսների փոխնախարարս, հայտարարում եմ զբաղեցրածս պաշտոնից հրաժարավելու և Բաշար Ասադի ռեժիմին այլևս չծառայելու մասին... Ինչպես նաև լքում եմ Սիրիայի իշխող «ԲԱԱՍ» կուսակցությունում զվաղեցրածս պաշտոնը», – հայտնում է փոխնախարարը տեսահոլովակում, որի ինքնությունը պաշտոնապես դեռ չի հաստատվել։

«Միացե՛ք հեղափոխությանը», - ավելացրել է անձնավորությունը, որն իբրև փոխնախարար է ներկայացել։

Եթե հաստատվի, որ Հուսամելդինը պաշտոնապես անցել է ընդդիմության կողմը, ապա նա կլինի Սիրիայի իշխանությունների մեջից ամենաբարձրաստիճան պաշտոնյան, որը պաշտոնապես և հրպարակայնորեն իր աջակցությունն է հայտնում Բաշար Ասադի հակառակորդներին։