Ֆրանսիական համալսարանում խախտվում են մարդու իրավունքները
Գիտություն և Մշակույթ
2010 թվականին քսանիննը դասախոս էր ազատվել Ֆրանսիական համալսարանից. հետո դասախոսները վերականգնվել են դատարանով։ Այդ հեռացումը եղել է ապօրինաբար։ Նրանց վճիռն ուժի մեջ է մնացել առաջին ատյանի դատարանի որոշմամբ, որով նրանք պետք է շարունակեին աշխատել համալարանում։Դասախոսներին հետագայում այնպիսի պահանջներ են ներկայացրել, որոնք նորմալ չեն եղել։ Այս մասին «Արմատ» ակումբում զրուցեցին «Դասախոսների միություն» ՀԿ ներկայացուցիչները։
«Օրինակ հանձնել են պահանջում քննություններ, որոնց ծրագրերը կազմել ենք հենց մենք։ Ապա պահանջում են պլաններ ու գնահատման ծրագրեր, թերթիկներ, որոնք չեն արվել մինչ այդ։ Հետևաբար նրանք ուրեմն խոչընդոտներ են առաջացնում մեզ համար։ Մինչ օրս չեն առաջարկել մտնել լսարան և շարունակել աշխատանքը»,– ասում են դասախոսները։
«Արհեստական խոչընդոտներ են ստեղծվել, բոլոր որոշումներն էլ ընդունել ենք, մենք ենք կազմել ծրագրերը, որոնցով աշխատում է համալսարանը։ Քննությունից մենք չենք խուսափում։ Պարզապես մենք գտնում ենք, որ համալսարանն իրավունք չունի պահանջել դատարանի պահանջներից դուրս որևէ բան։ Կոլեկտիվը վերածվել է օտարների ու յուրայինների տհաճ պրոեկտի։ Ֆրանսիական բարի ավանդույթները վերանում են ռեկտորի քաղաքականությամբ»,– ասաց Նարինե Կոխտիևան։ «Վերջերս կազմակերպվել է համաժողով, որտեղ քննարկվել են մարդու իրավունքների հարցեր։ Զավեշտն այն է, որ տիկին ռեկտորն այդ համաժողովին խոսել է մարդու իրավունքների մասին, որոնք երկար ժամանակ հենց ինքն է խախտել»,– ասաց Գայանե Հակոբյանը։
«Արդյոք ո՞վ է պատասխանատու այս ամենի համար, մեղավորները չպե՞տք է պատժվեն, նրանք, ովքեր խախտումներ են անում, նույնիսկ խրախուսվում են։ Ցավալի է, որ Ֆրանսիական համալսարանի ռեկտորը խախտում է օրենքները, ստեղծում է անգործների բանակ, մենք ուզում ենք պատժված տեսնել նրան, ուրախ ենք, որ մենք կարողացել ենք օրենքի ուժով հասնել արդարության, բայց ո՞վ կհետևի հետդատական շրջանը»,– հարց ուղղեց նարինե Կոխտիևան։
ՈՒՂԻՂ ԵԹԵՐ
Ամենադիտված 
Դիրքում բռնшբшրnւթյшն դեպքը տեսած, ապա սպшնված 3 զինվորների ծնողներն արդարադատություն են պահանջում (տեսանյութ)
