Երկրաշարժը չէ, որ մեծ վտանգ է ներկայացնում Արևմտյան Հայաստանի տարածքում գտնվող վանքերի համար, այլև մարդկային գործոնը.Սամվել Կարապետյան
Գիտություն և Մշակույթ
«Վանում տեղի ունեցած երկրաշարժի հետևանքով կարող են քանդված լինել Արգելանի, Սուրբ Գևորգի և այլ բազմաթիվ վանքերը»,-այսօր լրագրողների հետ հադիպման ժամանակ ասաց հուշարձանագետ Սամվել Կարապետյանը:
Հուշարձանագետը ընդգծեց, որ չի տիրապետում ստույգ տեղեկատվության, թե կոնկրետ որ հուշարձաններն են քանդվել աղետի հետևանքով, նշելով, որ Արևմտյան Հայաստան իրենց հերթական այցը կլինի միայն 2011 թ. գարնանը:
Նրա խոսքերով, սակայն, երկրաշարժը չէ, որ մեծ վտանգ է ներկայացնում Արևմտյան Հայաստանի տարածքում գտնվող վանքերի համար, այլև մարդկային գործոնը: «Բազմաթիվ վանքեր, այդ թվում նաև Նարեկավանքը քանդվում են և քանդվել են պետական հովանավորությամբ: Թուրքիայի կառավարությունը բնակչության ձեռքերով ջանում է ջնջել հայկական պատմական հուշարձանները», - լրագրողների հետ հանդիպման ընթացքում ասաց Սամվել Կարապետյանը: Նրա համոզմամբ, Թուրքիայի կողմից վերջերս Աղթամարի վանքը վերականգնելու խոստումն ընդամենը թատրոն է, քանի որ միևնույն ժամանակ նրանից ոչ այդքան հեռու գտնվող մեկ այլ եկեղեցի բուլդոզերով է ոչնչացվել:
ՈՒՂԻՂ ԵԹԵՐ
Ամենադիտված 
Կորուստ՝ Ալլա Լևոնյանի ընտանիքում
