Մուամար Կադաֆին Լիբիայի դեսպանություններն օգտագործել է որպես զինապահոց
Մերձավոր Արևելք
Նախկին առաջնորդ Մուամար Կադաֆիի կառավարությունը աշխարհի տարբեր երկրներում գտնվող լիբիական դեսպանություններն օգտագործել է որպես զինապահոց։ Զենքերն առաքվել են դիվանագիտական ճանապարհներով, հաղորդում է Reuters-ը։
Այս մասին հայտարարությունն արել է Լիբիայի նոր կառավարության արտաքին գործերի նախարարի տեղակալ Մուհամեդ Աբդուլ Ազիզը։ Նա նաև ավելացրել է, որ զենքերն ուղարկվել են Աֆրիկայից, Ասիայից և Եվրոպայից։
Ըստ նրա՝ խոսքը չի վերաբերում երկու կամ երեք երկրների։
«Ոչ ոք չգիտի, թե այդ ծրագրի բուն նպատակը որն է եղել։ Արդյո՞ք դրանք նախատեսված են եղել այդ երկրում որոշակի խնդիրներ լուծելու համար։ Կամ արդյո՞ք դրանք հենց լիբիացիների դեմ օգտագործվելու նպատակով է պահվել։ Ոչ ոք չգիտի։ Նախորդ ռեժիմի հետ կապված բոլոր տարբերակները կարելի է ենթադրել», – ասել է Աբդուլ Ազիզը։
Վերջին վեց ամիսների ընթացքում զինապահոցներ են հայտնաբերվել Հունաստանում, Եգիպտոսում և Մարոկկոյում գտնվող Լիբիայի դեսպանատներում։
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
