Соla և Pepsi ընկերությունները փոխում են իրենց բաղադրատոմսը՝ քաղցկեղի կանխարգելման նպատակո՞վ

Գազավորված ըմպելիքների աշխարհի խոշորագույն արտադրողներ Сoca-Cola և Pepsi ընկերությունները որոշել են փոխել իրենց արտադրանքի բաղադրատոմսը՝ շշերի վրա քախցկեղածին ռիսկեր պարունակող նյութերի մասին զգուշացնող տեղեկություններ գրելուց խուսափելու համար, հաղորդում է BBC Russian–ը։

Այս փոփոխությունները կապված են այն բանի հետ, որ ԱՄՆ–ի Կալիֆորնիա նահանգը վերջերս 4–մեթիլիմիդազոլն ընդգրկել էր կանցերոգեն նյութերի ցուցակում, իսկ այդ նյութն էլ (կարամելի ներկ) վերոնշյալ ընկերություններն օգտագործում են իրենց արտադրանքում։

Coca-Cola և Pepsi ընկերությունները հայտարարել են, որ նոր բաղադրատոմսը կկիրառվի ԱՄՆ–ի ողջ տարածքում, ինչն էլ կնպաստի խմիչքների արտադրանքի աճի բարձրացմանը։

«Մենք կարծում ենք, որ նման փոփոխությունները կապ չունեն մարդկանց կյանքին և առողջությանը սպառանցող տեղեկությունների հետ։ Ուղղակի մենք խնդրել ենք կարամել արտադրող մատակարարներին դիմել նման քայլի, որպեսզի մեր արտադրանքի պահանջարկը չնվազի գիտականորեն չապացուցված տեղեկությունների պատճառով», – այս մասին հայտնել է Coca-Cola ընկերության ներկայացուցիչ Դայան Հարցա–Չառլանտեն։

Գիտական կենտրոններից մեկի հետազոտությունների արդյունքում պարզվել է, որ 4–մեթիլիմիդազոլը մկների և առնետների մոտ քաղցկեղ է առաջացնում։ Սակայն, ըստ ըմպելիքներ արտադրողների ամերիկյան միության, ապացուցված չէ, որ այդ նյութը վնասակար է մարդկանց առողջությանը։

ԱՄՆ–ի սննդամթերքի և դեղորայքի որակի վերահսկողության վարչությունը նշում է, որ 4–մեթիլիմիդազոլ քիմիական նյութի ազդեցությունը պարզելու համար, որը կիրառվել է մկների և առնետների վրա, մարդը պետք է խմի հազար շիշ Կոկա–Կոլա և Պեպսի։
Կոկա-Կոլա և Պեպսի ընկերությունների արտադրանքն ԱՄՆ–ում զբաղեցնում է գազավորված ըմպելիքների վաճառքի շուկայի գրեթե 90%–ը։