Էրդողանին Թուրքիայի նախագահ ընտրող մոլլա ֆանատիկոսները (տեսանյութ)

Թուրքիայի նախագահի թեկնածու, գործող վարչապետ, իշխող «Արդարություն եւ զարգացում» կուսակցության իսլամիստ առաջնորդ Ռեջեփ Թայիփ Էրդողանի համակիրների մեջ մեծ թիվ է կազմում երկիրը դեպի իսլամացում տանող հոգեւորական զանգվածը:

Ինչպես հաղորդում է «Արմենպրես»-ը' վկայակոչելով թուրքական OdaTV հեռուստաալիքի կայքը, առաջիկա նախագահական ընտրություններում նախընտրական արշավում բոլոր վարչական լծակներն օգտագործող Էրդողանին միացել են նաեւ նրա համակիր մոլլաները: Համացանցում տարածվել է մի տեսանյութ, որում մոլլաները յուրահատուկ կերպով քարոզում են Էրդողանի օգտին: Հետաքրքիր է, որ տեսանյութում մոլլաները, ոչ թե աղոթում են Էրդողանի նախագահ ընտրվելու համար, այլ' երգում: Երգում նրանք ասում են. «Վարչապետ Էրդողանը թոÕ ² նախագահ դառնա», «Ձայները տրվեն Թայիփին, նախագահ դառնա, մահմեդականները հանգստություն ձեռք բերեն», «Բոլորն աղոթեն Էրդողանի համար» եւ այլն:

Տեսանյութում երկրորդ հոգեւորականը սպիտակ հագուստով է, ինչը բնորոշ չէ մուսուլմաններին, եւ ավելի շատ քրիստոնյայի է հիշեցնում: Ինչպես երեւում է' Էրդողանի քարոզչական մեքենան որպես «զենք» օգտագործում է նաեւ ոչ մահմեդական հոգեւորականներին: