Թուրքերը պահանջում են թուրքաբնակ հրեաներին զրկել Թուրքիայի քաղաքացիությունից
Թուրքիա
Թուրքիայի պետական ծառայողների արհեստակցական միությունը դիմել է դատարան թուրքաբնակ երկքաղաքացի հրեաներին Թուրքիայի քաղաքացիությունից զրկելու պահանջով:
Ինչպես հաղորդում է «Արմենպրես»-ը՝ վկայակոչելով թուրքական ԶԼՄ-ները, արհեստակցական միության անդամները բողոքի ցույց են անցկացրել Անկարայի ոստիկանական վարչության շենքի առջեւ եւ պահանջել երկքաղաքացիություն ունեցող հրեաներին զրկել Թուրքիայի քաղաքացիությունից:
Ակցիայի մասնակիցները հայտնել են, որ Պաղեստինի Գազայի հատվածում «ցեղասպանություն կատարող» իսրայելցիները չեն կարող Թուրքիայի քաղաքացի լինել: «Այդ հրեաները պետք է ձերբակալվեն եւ կանգնեցվեն դատարանի առաջ: Մենք դեմ ենք մեր եղբայրներին կոտորող Իսրայելին», -ակցիայի ժամանակ հայտարարել է արհեստակցական միության փոխնախագահ Ահմեդ Օզերը:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
