Սմոլենսկի ողբերգության հետևում կանգնած է Պուտինը. WikiLeaks

Ռուսաստանի նախկին գաղտնի գործակալը, որը հետագայում անցել է ԱՄՆ–ի կողմը, ասել է 2010–ին Սմոլենսկում տեղի ունեցած ավիավթարի հետևում կանգնած է Վլադիմիր Պուտինը։ Հիշեցնենք, որ վթարի պատճառով զոհվեց Լեհաստանի ղեկավարության մեծ մասը, այդ թվում՝ նախագահ Լեխ Կաչինսկին ու իր կինը։ Այս մասինա սել է Ստեֆանո Մաուրիցիոն՝ L'Espresso շաբաթաթերթում հրապարակված բացառիկ հոդվածում։

«2010–ի ապրիլին Ռուսաստանի Սմոլենսկի մարզում ավիավթարի է ենթարկվել օդանավը, որում գտնվել են Լեհաստանի նախագահ Լեխ Կաչինսկին և նրա մերձավոր շրջապատը։ Մի քանի օր անց Ռուսաստանի համար աշխատած նախկին գործակալը, որը հետագայում անցել է ԱՄՆ–ի կողմը, հայտնել է, որ այն Կրեմլի ձեռքի գործն է։ 2010–ի հունիսին նախկին գործակալը խորհրդավոր հանգամանքներում մահանում է, իսկ Հետախուզությունների դաշնային բյուրոն (ՀԴԲ) գաղտնի է պահում նախկին գործակալի մահվան մանրամասները։ Անհավանական մահվան պատմությունը ընդգրկված է WikiLeaks–ի գաղտնազերծված վերջին փաստաթղթերում», – նշվում է հոդվածում։

Հոդվածագիրը նշում է, որ «նա եղել է բոլոր ժամանակների առավել հայտնի գործակալներից մեկը և մահացել է երկու տարի առաջ, 53 տարեկան հասակում։ Նրա անունը եղել է Սերգեյ Տրետյակով, որի կենդանության օրոք Washington Post–ի լրագրող Փիթ Էրլին «Ոնկեր Ջի» վերնագրով գիրք է գրել նրա մասին։ Պաշտոնապես Տրետյակովը դիվանագետ է աշխատել, բայց, փաստորեն, նա եղել է Արտաքին հետախուզությունների ծառայության գնդապետ», – գրում է հեղինակը։