Ահաբեկիչները խանգարում են Սիրիայի խնդրի խաղաղ կարգավորմանը. Բաշար Ասադ
Մերձավոր Արևելք
Սիրիայի նախագահ Բաշար Ասադը Սիրիայի հարցով ՄԱԿ–ի հատուկ բանագնաց Քոֆի Անանի հետ հանդիպման ժամանակ հայտարարել է, որ երկրում ստեղծված իրավիճակը չի կարող կայունանալ այնքան ժամանակ, քանի դեռ ահաբեկչական խմբավորումները քաոսի են վերածում երկիրը, հաղորդում է Reuters–ը՝ հղում անելով Սիրիայի SANA պետական գործակալությանը։
«Ահաբեկիչները խոչընդոտում են խնդրի խաղաղ կարգավորմանը, քաոսի վերածում երկիրը և ապակայունացնում իրավիճակը», – ասել է Ասադը։
«Սիրիան պատրաստ է աջակցել ցանկացած ազնիվ գործողության՝ տեղի ունեցող իրադարձությունները կարգավորելու համար։ Քաղաքական երկխոսությունը կամ քաղաքական փոխհամաձայնությունը չի կարող հաջողությամբ պսակվել, քանի դեռ ահաբեկիչները և զինված խմբերը քաոսի են վերածում երկիրը և ապակայունացնում իրավիճակը», - ասել է Սիրիայի նախագահը։
Հիշեցնենք, որ այսօր ՄԱԿ–ի և Արաբական երկրների լիգայի Սիրիայի հարցով հատուկ բանագնաց Քոֆի Անանը ավելի քան երկու ժամ բանակցություններ է վարել Սիրիայի նախագահ Բաշար Ասադի հետ Սիրիայում ստեղծված իրավիճակի խաղաղ կարգավորման ելքերը փնտրելու ուղղությամբ։ Ինչպես նաև Անանը առանձին բանակցություններ է վարել Սիրիայի արտգործնախարարի հետ։
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
