ԱՄՆ-ը փոխել Է Մեծ ությակի գագաթնաժողովի անցկացման վայրը Պուտինի պատճառով

Ընտրություններում Վլադիմիր Պուտինի հաղթանակից անմիջապես հետո Սպիտակ Տունը որոշում է կայացրել Մեծ ութնյակի մայիսյան գագաթնաժողովը տեղափոխել Քեմփ Դևիդ, թեև այն նախատեսվում էր անցկացնել Չիկագոյում՝ ՆԱՏՕ-ի գագաթնաժողովից մեկ օր առաջ, գրում է Коммерсантъ-ը: 

G8-ի գագաթնաժողովի տեղափոխման երևի թե ամնենագլխավոր պատճառը Վլադիմիր Պուտինի հետ հարաբերությունները նորմալացնելու Սպիտակ Տան ձգտումն է: Դեռևս անցյալ տարի Ռուսաստանի նոր նախագահը հրավիրվել էր Չիկագո՝ մասնակցելու G8-ի , իսկ հետո՝ Ռուսաստան-ՆԱՏՕ գագաթնաժողովներին, սակայն պաշտոնական Մոսկվան պատասխանել էր, որ Ռուսաստանի ապագա նախագահը ՆԱՏՕ-ի հետ գագաթնաժողով կանցկացնի միայն այն դեպքում, եթե առաջընթաց արձանագրվի հակարհթիռային պաշտպանության համակարգերի շուրջ բանակցություններում:

«Հաշվի առնելով այն, որ մինչև մայիս հակահրթիռային պաշտպանության համակարգերի շուրջ բանակցությունների ընթացքում դժվար թե համաձայնություն ձեռք բերվի, կարող էր ստեղծվել տհաճ մի իրավիճակ, երբ G8-ի գագաթնաժողովից հետո Պուտինը ցուցադրաբար պետք է լքեր Չիկագոն»,- Коммерсантъ-ին է հայտնել ԱՄՆ վարչակազմին մոտ գտնվող անձը: 

Գագաթնաժողովի տեղափոխման մասին լուրը հանկարծակիի է բերել բոլորին: Անգամ Չիկագոյի քաղաքապետ Ռամ Էմանուելը, որը մինչև 2010-ի հոկտեմբերի 1-ը ղեկավարել է Սպիտակ տան աշխատակազմը Բարաք Օբամայի երդմնակալության արարողությունից հետո ու հանդիսանում է նախագահի հարազատ քաղաքում գագաթնաժողովի անցկացման ջատագովներից, խոստովանել է, որ տեղափոխման մասին իմացել է պաշտոնական հայտարարությունից մի քանի ժամ առաջ ընդամենը: 

Պաշտոնյաների ու վերլուծաբանների զարմանքը հասկանալի է. այն մասին, որ G8-ի գագաթնաժողովն անց է կացվելու մայիսի 18-19-ին, իսկ ՆԱՏՕ-ի գագաթնաժողովը՝ նայիսի 20-21-ին, հայտարարվել էր դեռևս 2011-ի ամռանը: Երկու միջոցառման անցկացումը նույն վայրում նաև հնարավորություն կընձեռեր գումարներ խնայել գագաթնաժողովների մասնակիցների անվտանգության ապահովման հարցում:

Թերթի աղբյուրների հավաստմամբ՝ գագաթնաժողովի տեղափոխումը Չիկագոյից հնարավորություն է ընձեռում Վլադիմիր Պուտինին՝ G8-ի գագաթնաժողովից եհտո ցուցադրաբար չլքել Չիկագոն՝ այդպիսով իր պաշտոնավարումը սկսելով Արևմուտքի հետ հակասություններից: Իսկ Բարաք Օբաման իր հերթին կկարողանա խուսափել մրցակից հանրապետականների կշտամբանքներից՝ վերաբեռնման տապալման մասով: 

Հատկանշական է, որ երեկ «Գրավի՛ր Ուոլ սթրիթը» շարժման ակտիվիստները, որոնք պատրաստվում են հրապարակային միջոցառումների միջոցով տապալել G8-ի գագաթնաժողովը, հայտարարել են, որ միջոցառումը Չիկագոյից Քեմփ Դևիդ տեղափոխելը պայմանավորված է իրենց սպասվելիք գործողությունների պատճառով իշխանությունների անհանգստությամբ: