Սիրիան հետ է կանչում իր դիվանագետներին Եվրոմիության երկրներից

Սիրիան սկսել է հետ կանչել Եվրոմիության երկրներից իր դիվանագետներին՝ կանխելով նրանց պաշտոնապես այդ երկրներից վտարելու գործընթացը։ Արտասահմանյան մամուլի հաղորդմամբ՝ ԵՄ մի շարք երկրներում սիրիացի դիվանագետները հանձնարարականներ են ստացել՝ հայրենիք վերադառնալու հետ կապված։ Նրանք պատրաստվում են դա անել մոտակա ժամանակներս։

ԵՄ անդամ երկրները քննարկում են Ֆրանսիայի առաջարկը՝ Սիրիայի հետ դիվանագիտական հարաբերությունների մակարդակը նվազեցնելու մասին, սակայն դեռևս չեն եկել ընդհանուր հայտարարի։

ԱՄՆ, Մեծ Բրիտնիան և Կանադան արդեն իսկ փակել են իրենց դեսպանությունները Դամասկոսում։ Անցած շաբաթ Փարիզ վերադարձավ նաև Սիրիայում Ֆրանսիայի դեսպանը։ Սիրիայում իր դեսպանատան գործունեության կասեցման մասին է հայտարարել նաև Իսպանիան, հաղորդում է «Ինտերֆաքս»–ը։