Մեկնարկել է «Ես գիտեմ» հանրային իրազեկման արշավի երկրորդ փուլը

Այսօր տեղի ունեցած ասուիսի ժամանակ ՀՀ կառավարության աշխատակազմի ղեկավար Դավիթ Սարգսյանը ներկայացրեց փետրվարից մեկնարկած «Ես գիտեմ» հանրային իրազեկման արշավը. «Արշավը իրականացվում է «Ամերիա» խորհրդատվական ընկերության կողմից՝ Համաշխարհային բանկի ֆինանսավորմամբ։ Այս նախաձեռնության նպատակն էր ՀՀ քաղաքացիներին իրազեկել կառավարության կողմից 2007-2012թթ. ընթացքում հանրային կառավարման ոլորտում իրականացված ավելի քան 25 բարեփոխման մասին:

ՀՀ կառավարության թեժ գծի 010 527 000 հեռախոսահամարով գրանցվել է 11 698 զանգ թե՛ Երևան քաղաքից և թե՛ հանրապետության տարբեր մարզերից: Մենք հասկացանք մի կարևոր բան, որ քաղքացիները մեծմասամբ այդ տեղեկատվության կարիքը ունեն, և այդ իսկ պատճառով կանցկացվի նաև երկրորդ փուլը, որ մեկնարկել է սույն թվականի մարտից»:

«Ամերիաբանկ» ՓԲԸ Զարգացման գծով տնօրեն Տիգրան Ջրբաշյանը իր հերթին նշեց, որ առաջին անգամ ներգրավվել են նաև սոցցանցերը:

«Facebook սոցիալական ցանցում ավել քան 4000 մարդ հավանության է արժանացրել արշավի էջն, իսկ օրական միջին հաշվով 1000 մարդ ներգրավված է եղել արշավի վերաբերյալ ծավալված քննարկումներում»,- ասել է նա։