Սիրիական բանակը Ջոբար թաղամասում նոր տարածքներ է ազատագրել
Մերձավոր Արևելք
Սիրիական բանակը Դամասկոսի Ջոբար թաղամասում տեղի ունեցած բախումների ժամանակ տասնյակ զինյալներ է ոչնչացրել, այդ թվում՝ խմբավորման ղեկավարին: Ինչպես հաղորդում է «Արմենպրես»-ը՝ վկայակոչելով սիրիական ՍԱՆԱ գործակալությունը, բանակը Ջոբարում ընդարձակել է իր վերահսկողության տակ գտնվող տարածքները՝ սահմանափակելով զինյալների առաջխաղացումը: Բանակը հարձակվել է Այն Թուրմայում և Դուխանիայի մերձակայքում գտնվող զինյալների թաքստոցների վրա՝ լուրջ կորուստներ պատճառելով նրանց:
Զինյալներին պատկանող թաքստոցներ են ոչնչացվել Զաբադանիի արևելքում, ինչպես նաև Դամասկոսի Հուսեյնիա գյուղում:
Դեր Զոր քաղաքի Արաֆի թաղամասում զինված ուժերը հայտնաբերել են 21 մետր երկարություն ունեցող թունել, որը զինյալներն օգտագործել էին զենքեր տեղափոխելու համար: Աղբյուրը տեղեկացնում է, որ Ռաշիդին և Հուիկա թաղամասերում տեղի ունեցած բախումների ժամանակ ԻԼԻՊ տասնյակ անդամներ սպանվել և վիրավորվել են:
Դարաայի շրջանի Օթման գյուղում բախումների ժամանակ զինված խմբավորման 2 ղեկավար է սպանվել:
ՄԱԿ-ի տվյալներով՝ սիրիական եռամյա հակամարտության ընթացքում զոհերի թիվը գերազանցել է 150 հազարը:
ՈՒՂԻՂ ԵԹԵՐ
Ամենադիտված 
Մահացել է երգիչ Հովհաննես Գրիգորյանը
