ԱՄՆ–ը նախատեսում է անօդաչու թռչող սարքերով մարդասիրական օգնություն ուղարկել Սիրիա
Մերձավոր Արևելք
ԱՄՆ–ը նախատեսում է անօդաչու թռչող սարքերի միջոցով Սիրիա մարդասիրական օգնություն ուղարկել, այս մասին հաղորդում է «Ռիա նովոստի»–ն։ Սիրիայի օդային տարածքն ուժեղացված հսկողության տակ է Ասադի ուժային կառույցների կողմից։
Վաշինգտոնն այդ տեղեկությունը՝ Թուրքիայի Ինջիրլիկում գտնվող ամերիկյան ավիաբազայից Սիրիա մարդասիրական օգնություն ուղարկելու մտադրությունը, չի հերքել։ Ինչպես հաղորդում է Hurriyet Daily News-ը, պաշտոնական Անկարան իր հերթին հայտնել է, որ թուրքական իշխանություններին նման խնդրանքով ոչ ոք չի դիմել։
ԱՄՆ–ի կողմից Սիրիա ուղարկվող մարդասիրական օգնության մասին տեղեկությունները տարածվել են ՄԱԿ–ի և Արաբական երկրների լիգայի Սիրիայի հարցով հատուկ բանագնաց Քոֆի Անանի այսօր երեկոյան Անկարա սպասվելիք այցի ֆոնին, որն անցյալ շաբաթ Բաշար Ասադի հետ սիրիական ճգնաժամը հաղթահարելու շուրջ բանակցություններ էր վարել։ Ասադի հետ հանդիպումից հետո Անանը հայտարարել էր, որ երկու կողմերի միջև խաղաղության հասնելը շատ դժվար կլինի, սակայն ինքը դեռ լավատես է այդ հարցում։
Քոֆի Անանն Անկարայում հանդիպելու է Թուրքիայի վարչապետ Էրդողանի և արտգործնախարար Ահմեդ Դավութօղլուի հետ, ինչպես նաև սպասվում է Անանի այցը Հաթայ նահանգում գտնվող սիրիացի փախստականների ճամբար։
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
