Էրդողանն ուժեղացրել է ինտերնետի նկատմամբ վերահսկողությունը

Թուրքիայի Նախագահ Ռեջեփ Թայիփ Էրդողանը հաստատել է ինտերնետի նկատմամբ կառավարության վերհահսկողությունն ուժեղացնող օրենքը: Ինչպես հաղորդում է «Արմենպրես»-ը՝ վկայակոչելով թուրքական ԶԼՄ-ները, այդ օրենքով Թուրքիայի հեռահաղորդակցության վարչությանը իրավունք է վերապահվում առանց դատարանի որոշման փակել ազգային անվտանգությանը հակասող և հասարակական լարվածության առաջացմանը ծառայող ցանկացած ինտերնետային կայք:

Թուրքիայի գլխավոր ընդդիմադիր Ժողովրդահանրապետական կուսակցությունն այդ օրենքն անվանել է ՙՏոպրակի օրենք և հայտարարել, որ այն չեղյալ համարելու համար դիմելու է երկրի Սահմանադրական դատարան:Դեկտեմբերի կեսերին Թուրքիան ցնցած կոռուպցիոն սկանդալից հետո, որով բացահայտվել են թուրքական կառավարության անդամների, այդ թվում՝ վարչապետի, նրա որդու, փեսայի և դստեր խոշոր կոռուպցիոն գործարքները, վարչապետ Էրդողանը հայտարարել է, որ դրա հետևում կանգնած են արդի իսլամի գաղափարախոս Ֆեթուլահ Գյուլենի գաղափարակից ՙգյուլենական համայնքի հետևորդները, ովքեր ցանկանում են տապալել իր կառավարությունը: Այդ պատճառով Էրդողանը ժամանակվորապես փակել էր Twitter սոցիալական կայքը Թուրքիայի տարածքում: Էրդողանի այդ քայլը զանգվածային բողոքի ակցիաների պատժառ էր դարձել երկրում և հարցականի տակ դրել արտահայտվելու ազատության հետ կապված մարդու իրավունքները: