ԱՄՆ–ը ռազմածովային ուժերի ամենախոշոր ավիակիրը շարժվում է Իրանի ուղղությամբ

ԱՄՆ–ի ռազմածովային ուժերի «Enterprise» (CVN-65) ավիակիրը կիրակի օրը դուրս է եկել Վիրջինիա նահանգի Նորֆոլկ բազայից և Հնդկական օվկիանոսով ուղղություն վերցրել դեպի Իրանի ափերը, հաղորդում է Итар-Тасс–ը։ Այսպիսով, ամերիկյան ավիակիրների խումբը Պարսից ծոցի ջրերում կավելանա ևս մեկով՝ հասնելով երեքի։ Այժմ Արաբական ծովում՝ Իրանի ափերի մոտ են գտնվում ԱՄՆ–ի ռազմածովային ուժերին պատկանող «Carl Vinson» և «Abraham Lincoln» ավիակիրները։ 

«Enterprise» ավիակրի այս ուղևորությունն իր շահագործման պատմության մեջ կլինի վերջինը։ Աշխարհում առաջին միջուկային մարտագլխիկներով զինված ավիակիրն առաջիկա 12 ամիսների ընթացքում կդադարի շահագործվել։ Սպասվում է, որ այն Արաբական ծով կհասնի մարտի 20–ին։ 

Ավիակրին, որի երկարությունը 342 մետր է, ուղեկցում են հեռահար հրթիռներով երեք էսկադրիլային փոքր ավիակիրներ, ինչպես նաև  տախտակամածին են գտնվում 90 կործանիչներ և ուղղաթիռներ։ 

Հիշեցնենք, որ ԱՄՆ նախագահ Բարաք Օբամայի և Իսրայելի վարչապետ Բենիամին Նեթանյահուի վերջին հանդիպման ժամանակ «Իսրայելը հետաձգել էր Իրանի միջուկային օբյեկտների վրա հնարավոր հարձակման ժամկետը մինչև այս տարվա սեպտեմբեր»։