«Առավոտ». ՀՀԿ-ական Աշոտ Աղաբաբյանը որոշել է ջայլամի գործ դնել
Հայկական Մամուլ
Հանրապետական պատգամավոր Աշոտ Աղաբաբյանը որոշել է այս անգամ վերընտրվելու դեպքում իր ընտրատարածքում՝ Ամասիայում ու Աշոցքում, ջայլամի գործ դնել: Այս մասին նա երեկ հայտնեց Գյումրու դրամատիկական թատրոնում՝ բուլղարացի լրագրող Ցվետանա Պասկալեայի «Արցախի վերքերը» ֆիլմի ցուցադրումից հետո: «Շատ ծրագրեր կան իրականացնելու. եթե ծրագրերից խոսեմ, շատ երկար կլինի, բայց մենք մտածել ենք մի ծրագիր, որը որ, ասենք, հիմնականում սննդարդյունաբերության հետ է կապված, և դա չի լինի, ասենք,միայն իմ ընտրատարածքում, այլ ամբողջ Շիրակի մարզի մակարդակով: Իմ ընտրողներն արդեն գիտեն, որ դա կլինի ընտրություններից հետո, ոչ թե ընտրություններից առաջ: Ունենք մասնագետ, որն Աֆրիկայում է ապրել և ջայլամների հետ աշխատել է: Փորձում ենք հասկանալ, թե մի կովը եթե մի հորթա տալիս, ջայլամը 50 ձագ ա տալիս, և համարյա երկու տարվա մեջ նույն կովի քաշինա է լինում միսը: Ըսենց ասեմ՝ ինչի՞ չանցնենք էդ ծրագիրը, որը արդեն բավական լուրջ ժամանակ քննարկվել է, և ունենք նաև ինվեստորը, պատրաստվում ենք մայիսի վերջերին-հունիսի սկզբներին ջայլամի ծրագիրն անել, էկոլոգիապես մաքուր միս ա, ո՞նց են ասում է առանց խոլիստերինի, ինչի՞ չէ, բազմացման չափերն էնպիսին են, որ տասը տարվա ընէթացքում երևի Շիրակի մարզը միս կարտահանի առանց մտածելու, նախ՝ Հայաստանին կապահովի, հետո կարտահանի»:
ՈՒՂԻՂ ԵԹԵՐ
Ամենադիտված 
Ո՞րն է սիրված արտիստ Արտաշես Ալեքսանյանի մահվան պատճառը. հայտնի են մանրամասներ
