ԱՄՆ մի շարք սենատորներ Պենտագոնի ղեկավարին կոչ են արել կասեցնել Ռուսաստանի հետ պայմանագիրը
ԱՄՆ
Կոնգրեսի մոտ 17 սենատորներ դիմել են Պենտագոնի ղեկավար Լեոն Պանետային՝ պահանջելով կասեցնել «Ռոսոբոռոնէքսպորտ»–ից Աֆղանստանի համար ռուսական ուղղաթիռներ գնելու պայմանագիրը՝ Ռուսաստանի կողմից Սիրիային զենքի շարունակական մատակարարման պատճառով։ Այս մասին նշվում է այդ դիմումին միացած նախաձեռնողներից հանրապետական սենատոր Ջոն Կորնինի կայքէջում, հաղորդում է BBC Russian–ը։
Պանետային ուղղված նամակում սենատորները նշում են, որ «ԱՄՆ հարկատուները չպետք է հայտնվեն այնպիսի իրավիճակում, որ անուղղակիորեն ֆինանսավորեն Սիրիայի խաղաղ բնակչության նկատմամբ ջարդերը»։
«Ռոսոբոռոնէքսպորտ»–ը ԱՄՆ–ի պաշտպանության նախարարության հետ 2011–ի մայիսին պայմանագիր է կնքել Աֆղանստան Ми-17В5 տեսակի ուղղաթիռներ մատակարարելու համար։ Պայմանագրի ընդհանուր գումարը կազմել է 900 միլիոն դոլար։
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
