Կանդահարում 16 աֆղանցիների սպանած ամերիկացի զինվորին մահապատիժ է սպառնում
ԱՄՆ
Աֆղանստանի Կանդահար նահանգում 16 աֆղանցի խաղաղ քաղաքացիներ սպանելու համար ամերիկացի զինվորին մահապատիժ է սպառնում, հաղորդում է Вести.ru–ն։ Այս մասին հայտարարել է ԱՄՆ պաշտպանության նախարար Լեոն Պանետան։
Ըստ Պենտագոնի՝ ամերիկացի զինվորի գործը պետք է քննվի ռազմական տրիբունալում։ ԱՄՆ նախագահ Բարաք Օբաման, մինչդեռ, հայտարարել է, որ այդ միջադեպը չի կարող ազդել Աֆղանստանից ամերիկյան զորքերի դուրս բերման ժամանակացույցին։ Այս պահին, Աֆղանստանի անվտանգության ծառայություններն ուժեղացված ռեժիմով են աշխատում։ «Թալիբան» գրոհայինները խոստացել են ԱՄՆ–ից վրեժխնդիր լինել այդ միջադեպի հետ կապված։
Հիշեցնենք, որ ողբերգությունը տեղի է ունեցել կիրակի օրը։ ԱՄՆ–ի զինված ուժերի սերժանտը դուրս է եկել ռազմաբազայի տարածքից, որից հետո կրակայերթ է բաց արել խաղաղ բնակչության ուղղությամբ։ Զոհերի թվում կան կանայք և երեխաներ։
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
