Ինչքա՞ն պետք է թափուր մնա Սյունիքի մարզպետի պաշտոնը

Սուրեն Սուրենյանցը ֆեյսբուքյան իր էջում գրել է. 

«Դատելով կառավարության վաղվա նիստի օրակարգից՝ դարձյալ Սյունիքի մարզպետի նշանակման հարցը բացակայում է:

Այս հանգամանքը տարօրինակ է, եթե հաշվի առնենք այն կարևորությունն, որ ունի Սյունիքի մարզն՝ անվտանգության, քաղաքական, հայ-իրանական հարաբերությունների տեսանկյունից:

Խնդիրն ունի նաև բարոյական կողմ. ինչքան ուշանում է նշանակումն, այնքան ակամայից լարվում են մարդկային հարաբերությունները պոտենցիալ թեկնածուների, նրանց կողմնակիցների միջև:

Թեև, կարծես թե, «վերևներում» լրջորեն խոսվում է միայն մեկ թեկնածուի՝ նախկին մարզպետ Սուրիկ Խաչատրյանի վերանշանակման մասին:

Ընդ որում, վերջինս «ներքևից» արդյունավետորեն ապացուցել է, որ իր նշանակումն այլընտրանք չունի. նա կարողացավ այնպես անել, որ Սյունիքի տեղական իշխանության ղեկավարներն ու հանրապետականները կոնսոլիդացվեցին իր թեկնածության շուրջ:

Կարճ ասած՝ նա վերահսկում է մարզը՝ նույնիսկ առանց պաշտոնի:

Այս առումով՝ նա ուղղակի մրցակիցներ չունի...»: