«Պոլսո Հայոց պատրիարքը դեմ է արտահայտվել ԱՄՆ Կոնգրեսի կողմից Հայոց ցեղասպանության մասին բանաձեւի ընդունմանը»

Վահե Անթանեսյանն իր ֆեյսբուքյան էջում գրել է.

«Էխ, եկեղեցի... WikiLeaks-ը գաղտնազերծել է Պոլսո պատրիարք Մեսրոպ 2-րդի եւ Մեթյու Բրայզայի հանդիպումը։
WikiLeaks-ը գաղտնազերծել է Հայ առաքելական եկեղեցու Պոլսո պատրիարք Մեսրոպ 2-րդի եւ ԱՄՆ փոխպետքարտուղարի տեղակալ Մեթյու Բրայզայի հանդիպումը, որը կայացել է 2007-ին:

Հանդիպման ընթացքում, որը կայացել է Ստամբուլի «Ակոս» թերթի գլխավոր խմբագիր Հրանտ Դինքի սպանությունից հետո, պատրիարքը հայտարարել է, որ ԱՄՆ Կոնգրեսի կողմից Հայոց ցեղասպանության մասին բանաձեւի ընդունումը կարող է հանգեցնել բռնության ալիքի թուրքահայերի նկատմամբ:

Պատրիարքը նաեւ նշել է, որ «1915-ի ողբերգությունը պետք է քննարկվի տարբեր հարթություններում՝ քաղաքական գործիչների, պատմաբանների, դիվանագետների ու սոցիոլոգների կողմից»:

Այս մասին նամակը ԱՄՆ պետքարտուղարություն է ուղարկել Ստամբուլում ԱՄՆ հյուպատոս Դեբորա Ջոնսը (նամակը թվարված է փետրվարի 23 2007 թ):

Իր մեկնաբանություններում Դեբորա Ջոնսը նշում է, որ Պոլսո Հայոց պատրիարքը պաշտպանում է իր համայնքի շահերը, ընդգծելով, որ Թուրքիայում ազգային փոքրամասնությունները սկզբում «դե յուրե», իսկ հիմա նաեւ «դե ֆակտո» ստիպված են կրել երկրորդ սորտի քաղաքացիներ կոչվելու պիտակը»: