Թուրքիայում քրդերի և ադրբեջանցիների միջև զանգվածային բախում է տեղի ունեցել
Թուրքիա
Թուրքիայի Իգդիր քաղաքում Սիրիայի քրդաբնակ Քոբանիի շրջանում «Իսլամական պետություն» ահաբեկչական խմբավորման հարձակումների դեմ երեկ բողոքի ակցիա է տեղի ունեցել: Իգդիրի քուրդ բնակիչները թուրքական պետությունից պահանջել են թույլ տալ իրենց մասնակցել Քոբանիի ինքնապաշտպանական մարտերին, ինչն Անկարան մերժում է:
Ինչպես հաղորդում է «Արմենպրես»-ը' վկայակոչելով թուրքական «Հաբերլեր» լրատվական կայքը, ցուցարարները ցանկացել են երթով գնալ քաղաքապետարանի հրապարակ: Այդ ժամանակ ոստիկանական ուժերը միջամտել են, և ակցիայի մասնակիցների ու ոստիկանության միջև բախում է տեղի ունեցել: Ակցիայի ժամանակ մասնակիցների կողմից ոստիկանների ուղղությամբ նետված քարերը դիպել են ադրբեջանցի քաղաքացիների աշխատատեղերի լուսամուտներին և ջարդել ապակիները: Արդյունքում բանավեճ է սկսվել ադրբեջանցիների և ցուցարարների միջև, որը հետո վերածվել է բախման: Քրդերն ու ադրբեջանցիները միմյանց քարեր են նետել և հարվածել փայտերով: Զանգվածային կռվի ժամանակ, որին մոտ 300 մարդ է մասնակցել, 15 մարդ վիրավորվել է:
Արդյունք չի տվել նաև քուրդ-ադրբեջանական բախմանն Իգդիրի նահանգապետ Դավութ Հաների միջամտությունը: Միջադեպի վայր մեծ թվով ժանդարմական և ոստիկանական ուժեր են բերվել: Իրադարձությունները շարունակվել են ամբողջ գիշեր:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
