«Սա մեծ պայքար է, և ավարտին սպասվում են մեծ փոփոխություններ». ԲՀԿ-ական պատգամավոր

ԲՀԿ-ական պատգամավոր Վահե Էնֆիաջյանը ֆեյսբուքյան իր էջում գրել է.

«Հոկտեմբերի 10 Հայաստանի նորանկախ ժամանակաշրջանի բացառիկ պահերից մեկն էր:

Հոկտեմբերի 10-ին մեկնարկեց մի գործընթաց, որի վերջնական նպատակն է փոխելու Հայաստանի Հանրապետության քաղաքացու օրեցօր դժվարացող և անտանելի դարձող կենցաղը:

Հասարակության զգալի մասը զգում է, որ հայտնվել է սոցիալ-տնտեսական անդունդում:

Հոկտեմբերի 10-ի հանրահավաքը մեր վճռականություան դրսևորումն էր, որով հաստատակամ ենք վերջ դնելու ժողովրդի օրեցող վատթարացող կյանքին:

Հանրահավաքից հետո հասարակության մի մասի մոտ կարծիք կա, թե անհրաժեշտ էր հանրահավաքի ժամանակ դիմել այլ գործողությունների:
Սա մեծ պայքար է և ավարտին սպասվում են մեծ փոփոխություններ, իսկ վերջնական հաղթանակ արձանագրելու համար հարկավոր է ժամանակ:

Մենք ունենք գործողությունների ծրագիր, որով էլ պատրաստվում ենք շարունակել մեր համաժողվրդական պայքարը: Շարունակել այնքան ժամանակ մինչև հասնենք հասարակության համար ցանկալի և առաջնային դարձած նպատակներին:

Մենք վճռական ենք, պատրաստակամ պայքարել հանուն ժողովրդի և հանուն մեր երկրի այնքան ժամանակ որքան կպահանջվի դրա համար»: