Ռազմական ներխուժումը Սիրիայում կհանգեցնի քաղաքացիական պատերազմի

ԱՄՆ նախագահ Բարաք Օբաման հայտարարել է, որ Սիրիայում միջազգային ռազմական միջամտությունը չափազանց անհեռատես է և կարող է հանգեցնել քաղաքացիական պատերազմի, հաղորդում է The Associated Press լրատվական գործակալությունը։

Մեծ Բրիտանիայի վարչապետ Դեյվիդ Քեմերոնի հետ երկու ժամ տևած բանակցություններից հետո տեղի ունեցած մամլո ասուլիսի ժամանակ Օբաման ասել է, որ ռազմական միջամտությունը Սիրիայում ավելի շատ զոհերի պատճառ կարող է դառնալ։

Դեյվիդ Քեմերոնը Սիրիայի ղեկավարությանը նախազգուշացրել է, որ միջազգային իրավունքը «երկար ձեռքեր և երկար հիշողություն ունի» մարդու իրավունքների խախտումների հետ կապված։ 

ՄԱԿ-ի հաշվարկներով, ավելի քան 8 հազար մարդ է սպանվել Սիրիայում կառավարական ուժերի և ապստամբների միջև մեկ տարվա ընթացքում շարունակվող բախումների պատճառով։ Հիշեցնենք, որ Մեծ Բրիտանիայի վարչապետը պաշտոնական այցով գտնվում է Վաշինգտոնում։