«Հայկական ժամանակ». Վիկտոր Դալլաքյանի ՀՀԿ անդամ դառնալը լայն արձագանք է գտել
Հայկական Մամուլ
Աժ պատգամավոր Վիկտոր Դալլաքյանի ՀՀԿ անդամ դառնալը լայն արձագանք է գտել: Facebook-ի օգտատերերից մեկը տեղադրել է 2007 թ. ԱԺ ընտրությունների քարոզարշավի ժամանակ Դալլաքյանի նախընտրական հանդիպումներից մեկի տեսագրությունը:
Վանաձորի թիվ 30 ընտրատարածքում բակային հանդիպման ժամանակ Դալլաքյանն ասում է. «Հիմա ձեր աշխատավարձը խի՞ ա ցածր, թոշակը խի՞ ա ցածր, որովհետև Սերժ Սարգսյանը, երբ Մոնտե-Կառլո է գնում և կոնը պետք է խաղա (այսինքն' ղումար), դնում ա 50 հազար դոլար: Հասկանու՞մ եք՝ էդ ի՞նչ ա նշանակում, այսինքն' ստավկեն, երբ սկսում ա, դնում ենք 50 հազար: Այ, էդ ձեր փողերն ա, սաղիդ փողերն ա: Այսինքն, ձեզ ձեռ են առնում. 20 դրամ թոշակ են բարձրացնում, ասում են՝ բարձրացրինք, բա խի՞ չեք ուրախանում»:
Թերևս, նաև այս ելույթի շնորհիվ Է Դալլաքյանն ընտրվել Աժ պատգամավոր, ու դեռ այդ «ելույթի» մանդատը չսպառված՝ դառնում՝ Սերժ Սարգսյանի ղեկավարած կուսակցության անդամ:
Մեկ այլ օգտատեր էլ այս ամենին արձագանքել է այսպես. «Հարց. - Ինչու՞ է Վիկտոր Դալլաքյանը Սերժ Սարգսյանի մոնտե-կառլոյական սեանսները այդքան գունեղ արտահայտվելուց հետո դարձել Հանրապետական: Պատասխան. – Որովհետև Սերժիկն ասել է՝ այ տղա, քեզ որ խելոք պահես, հետս կտանեմ մոնտե-կառլոներում ման կտամ»:
ՈՒՂԻՂ ԵԹԵՐ
Ամենադիտված 
Դերասանին մեղադրում են մանկապղծության մեջ․ նա ձերբակալվել է
