«Առավոտ». Շարմազանովը պատասխանել է Թուրքիայի փոխվարչապետին
Հայկական Մամուլ
Թուրքիայի վարչապետ Բեքիր Բոզդաղը երեկ Բաքվում անդրադարձել է ՀՀ նախագահ Սերժ Սարգսյանի ՀՀԿ համագումարում հնչեցրած այն հայտարարությանը, համաձայն որի, «Ղարաբաղը եղել է, կա և մնում է հայկական հող»: Թուրք պաշտոնյան ասել է.« Ղարաբաղը թուրքական հող է, և այդ տարածքն ապօրինաբար օկուպացված է»: Ապա ավելացրել է. «Հայ-թուրքական հարաբերությունները չեն կարգավորի, սահմաները չեն բացվի այնքան ժամանակ, քանի դեռ հայկական զորքերը դուրս չեն բերվել Ղարաբաղից»:
Ի պատասխան Բոզդաղի հայտարարության՝ ՀՀ ԱԺ փոխնախագահ Էդուարդ Շարմազանովը երեկ հակադարձել է. «Ի գիտություն համառորեն չհասկացող թուրք փոխվարչապետի' տեղեկացնեմ, որ ոչ միայն Արցախն է հայկական և որևէ պատմական առնչություն չունի թյուրքական ցեղերի հետ, այլև այն պետությունը' Թուրքիան, որի քաղաքացին է հանդիսանում թուրք պաշտոնյան: Հիշեցնեմ, որ ներկայիս Թուրքիան ստեղծվել է հունական և հայկական պատմական տարածքների հիման վրա' ոչնչացնելով բնիկ հայ և հույն բնակչությանը:
Իսկ ինչ վերաբերում է Ղարաբաղի «օկուպացված» լինելուն, ապա այստեղ անելիք ունեն ադրբեջանցիները և թուրքերը»: Պարոն Շարմազանովի խոսքով' ադրբեջանցիները պետք է իրենց զորքերը դուրս բերեն օկուպացված Շահումյանից և Գետաշենից, իսկ Թուրքիան՝ Հյուսիսային Կիպրոսից»:
ՈՒՂԻՂ ԵԹԵՐ
Ամենադիտված 
Ծնողները մահացել են, 3 երեխաները հիվանդանոցում են. նոր մանրամասներ ողբերգական վթարից
