«Իրենք և իրենց քարոզչամիջոցները ուղղակիորեն սնվում են Առինջի բարձունքից». Վարուժան Բաբաջանյան

Վարուժան Բաբաջանյանը ֆեյսբուքյան իր էջում գրել է.

«Ես ողջունում եմ բոլոր իմ ընկերներին և ոչ ընկերներին, ովքեր համարում են, որ եռյալի ֆորմատով պայքարը իշխանափոխության համար միակ ճիշտ ճանապարհն է: Անկախ իմ ունեցած կասկածներից ու տարաձայնություններից՝ կցանկանայի, որ հենց դուք Հայաստանը ազատեք ավազակներից ու անօրեններից... Համենայն դեպս անձամբ ես ին չնչին և համեստ քարոզչական միջոցները մշտապես բաց եմ պահել ձեզ համար և պահելու եմ... Անկախ ընթացող գործընթացների վերաբերյալ իմ խորը կասկածներից՝ իմ բոլոր ընկերները շարունակում են մնալ իմ ընկերները՝ բառի իսկական իմաստով...
Ես ողջունում եմ իմ բոլոր այն ընկերներին և ոչ ընկերներին, որ ջղաձգվում են Հայաստանի՝ ԵՏՄ անդամակցության փաստից և ունեն ուրիշի քիմքին ոչ հաճո գաղափարական սկզբունքներ: Ինձ համար դուք նույնքան հարազատ եք և սիրելի, որքան ձեր հակառակ ճամբարը, որովհետև սկզբունքային մարդը բարոյական արժեք է՝ անկախ նրանից՝ որքանով եմ ես ձեր գաղափարներին համաձայն կամ տարաձայն...
Ես ողջունում եմ իմ բոլոր ընկերներին և ոչ ընկերներին, ովքեր մերժում են թե իշխանությանը, թե նրանցից իբր պոկված հանցակիցներին: Գուցե այդ մարդկանց շարքերում կան նաև Բաղրամյան 26-ի պատվեր կատարողներ, սեփական շահի գիտակցումով առաջնորդվողներ, բայց այդ շարքերում գերակշռում են մարդիկ, ովքեր ունեն լրջագույն կասկածներ, հիմնավոր կասկածներ գործընթացի վերաբերյալ, չեն վստահում մարտի մեկին ժողովրդի վրա բացահայտ կրակողներին, հետույք պատռելով ժողովրդի դեմ իրականացված սպանդը արդարացնողներին և նրանց հետ դաշինք կազմողներին: Հայաստանում հաջորդ իշխանությունը պետք է զերծ լինի Մարտի 1-ի արյունից, իսկ այսօրվա հարթակում կանգնածների մի ստվար զանգվածը իշխանությունների հետ միասին ՈՒՂՂԱԿԻ պատասխանավություն է կրում ժողովրդի դեմ իրականացված արյունալի գործողությունների համար:

Անկեղծ ասած, ես պատկանում եմ մարդկանց երրորդ խմբին: Բայց երբեք լուտանքներ չեմ թափում այն մարդկանց հասցեին, ովքեր վստահում են հարթակում կանգնածներին: Ես ուղիղ ասում եմ այն, ինչ մտածում եմ՝ միգուցե շահելով իմ՝ հարթակում կանգնած ընկերների հակակրանքը, սակայն ես մտածում եմ այնպես, ինչպես մտածում եմ և հակառակը մտածողին, որքան էլ երբեմն հիմքեր ունենամ, չեմ անվանում չա*լախ, հաճախորդ, պատվեր կատարող, դհոլ... Չնայած ոմանք, մի շարք իմ գործընկեր-ընկերների մեղադրելով Բ26-ի պատվեր կատարելու կամ այդ կառույցից ֆինանսավորվելու մեջ, ուղղակի անամոթաբար չնկատելու են տալիս, որ իրենք և իրենց քարոզչամիջոցները ուղղակիորեն սնվում են Առինջի բարձունքից և այդ ամբողջ նվագախմբի հետ իրապես անկախ մարդկանց բոստանը քար նետելիս դույզն ինչ չեն տարբերվում իրենց մատնանշած ավազակապետական բուրգի վարքագծից...
Եվ ուղղակի որպես հիշեցում. իրար հետ սարի սմբուլ երգելուց ու ջանգյուլում կանչելուց առաջ շատերդ անգամ չէիք խորշում միմյանց նկարները մոնտաժել պահպանակների նկարների վրա, տարածել, հայհոյել ամենավերջին հիշոցներով: Այսօր նախկինում բոլոր սահմաններն անցած մարդիկ իրար հետ ախպերություն են անում, իսկ մարդիկ, ովքեր ՛՛համարձակվել՛՛ են կասկածներ ունենալ քաղաքական գործընթացների ազնվության ու սկզբունքայնության վերաբերյալ, բայց ժամանակին ձեր հետ միասին բազմաթիվ զրկանքներ են կրել, այսօր հայտնվել են լուտանքների թիրախում... Բայց եթե քաղաքականությունը համեմատվում է պոռնկության հետ՝ չի կարելի այդ ամենը բերել գործնական դաշտ: Մի անցեք մարդկային սահմանները...
Յուրաքանչյուրդ արեք ձեր գործը՝ առանց դիմացինին հայհոյելու և ձեր կարճ խելքով՝ փչացնելու փորձերի...
Բումերանգ կա, բան կա...
Հուսամ՝ այս թեմային անդրադառնալու առիթներ այլևս չեմ ունենա...»: