Ինչո՞ւ ոչ միասնական, երբ ամեն ինչ այնքան պարզ է

Facebook սոցցանցում հրապարակախոս Արա Նեդոլյանը գրել է. «Գալիս եմ Մաշտոցի պուրակից... ու ինչպիսի դեժա վյու, մի կողմից՝ շատ հաճելի, զվարթություն տվող, մյուս կողմից՝ էլ ինչեր ունենք տեսնելու, երեխեք ջան, էլ ոստիկանությունների դեմը հերթապահել, մինչև երեխեքին բաց չթողնեն, էլ դատարանների դեմը կանգնել, երբ իրենց դատում են... Այն ամենը, ինչով անցել են Կոնգրեսի երեխեքը... Ու ինչ հաճելի է լսել մեգաֆոնով ելույթներ, երբ ընթերցվում է Սահմանադրությունը, հայտնաբերվում է, որ այս ամենը՝ Սահմանադրական կարգի համար պայքար է... Շատ լավ է, բայց զարմանք է առաջանում՝ ինչու այս ամենը դիախրոն, ինչու տարիներ հետո, ինչու՝ տարբեր տեղերում, ինչու՝ ոչ միասնական, ընդհանրական մոտեցումով, որը այնքան պարզ է՝ Սահմանադրական կարգի վերահաստատում»։