Լիբիայում Կադաֆիի ռեժիմի տապալումից հետո առաջին անգամ բացվել է ֆոնդային բորսան
Մերձավոր Արևելք
Լիբիայի ֆոնդային բորսան հինգշաբթի օրը՝ նախկին առաջնորդ Մուամար Կադաֆիի ռեժիմի տապալումից հետո առաջին անգամ, սկսել է գործել։ Մրցակցում են մոտ 10 ընկերություններ, որոնց ընդհանուր կապիտալը 3.1 միլիարդ դոլար է կազմում, հաղորդում է Al Arabiya–ն։
Բորսայում շրջանառվող բաժնետոմսերի մեծ մասը պատկանում է են մասնավոր բանկերին և ապահովագրական ընկերություններին։ Նավթային ընկերությունները և հեռահաղորդակցման ընկերությունները հայտարարել են, որ պատրաստ են ամռանը մասնակցել ֆոնդային բորսայի գոծունեությանը։
Բոլոր ընկերությունները, որոնք կմասնակցեն մրցակցությանը, հինգ տարի ժամկետով կազատվեն եկամտահարկից։
Հիշեցնենք, որ Լիբիայի ֆոնդային բորսան իր աշխատանքները դադարեցրել էր անցյալ տարի հունիսին Կադաֆիի զորքերի կողմից հարձակման ենթարկվելու պատճառով։
Լիբիայում 2011–ի փետրվարին սկիզբ առած հակակառավարական ցուցերի ժամանակ ընդդիմությունը պահանջում էր մոտ 40 տարի Լիբիան ղեկավարած Մուամար Կադաֆիի հրաժարականը։ Իսկ անցյալ տարի հոկտեմբերին Կադաֆին իր հայրենի Սիրթ քաղաքում սպանվեց ապստամբների կողմից։
ՈՒՂԻՂ ԵԹԵՐ
Ամենադիտված 
«Անցած գիշեր Գյումրիի երկնքում բնակիչները ֆիքսել են այսպիսի լուսին». Գագիկ Սուրենյան (տեսանյութ)
