Բեշմերգի ուժերը Թուրքիայի տարածքով օգնության կհասնեն Քոբանիի քրդերին

Ականատեսները վկայում են, որ իրաքյան բեշմերգի ուժերը հոկտեմբերի 29-ի վաղ առավոտյան հասել են Թուրքիա, որպեսզի այնտեղից հատեն սիրիական սահմանը և օգնության հասնեն «Իսլամական պետության» դեմ կռվող քրդական ուժերին: Ինչպես հաղորդում է «Արմենպրես»-ը՝ վկայակոչելով սիրիական լրատվամիջոցները, «Թուրքական ավիաուղիներին» պատկանող օդանավն արդեն վայրէջք է կատարել Շանլուրֆա քաղաքում:

Ավելի վաղ, Իրաքյան Քրդստանի խորհրդարանը որոշում էր ընդունել օգնել Սիրիայի քրդերին՝ ԻՊ-ի դեմ պայքարում: 150 զինվոր կմտնի Քոբանի:

Ավելի քան 40 օր շարունակվող բախումների զոհ է դարձել 800-ից ավելի մարդ, որոնցից 481-ն ԻՊ-ի անդամներ են, 302-ը՝ քրդական ուժերի ներկայացուցիչ, իսկ 21-ը՝ խաղաղ քաղաքացի: Նշված վիճակագրական տվյալների մեջ չեն ներառվել օդային հարվածների հետևանքով զոհվածները: Քաղաքի և մերձակա գյուղերի մոտ 300 հազար բնակիչ ստիպված հեռացել է իր տնից: Նրանցից մոտ 1 80 հազարը փախուստի է դիմել դեպի Թուրքիա: