«Երկրորդ նման շանս տեսանելի հեռանկարում կարող է այլևս չընձեռնվել»

ՀԱԿ համակիր Կարեն Թովմասյանը ֆեյսբուքյան իր էջում գրել է.

«Մարդիկ կան, որոնք անկեղծորեն դեմ են իշխանություններին, բայց միտինգներին չեն մասնակցում՝ ներկայացնելով իրենց պրիտենզիաներն այս կամ այն լիդերի նկատմամբ:

Խոսքս ուղղում եմ այդ մարդկանց:

Ես ուղղակի տանել չեմ կարողանում Րաֆֆի Հովհաննիսյանին, համարում եմ, որ քաղաքականությունն իր տեղը չի, որ պոպուլիստ ա և քաղաքական ադեկվատությունից զուրկ, բայց դա ինձ չի խանգարում Թիֆլիսից ամեն հանրահավաքին հասնել Ազատության հրապարակ՝ հենց հանրահավաքին մասնակցելու նպատակով ու մասնակցելու երկրին գլոբալ փոփոխություններ բերելուն հավակնող այս շարժմանը:

Կարող եք սիրել կամ չսիրել այս կամ այն քաղաքական գործչին, բայց պետք ա հասկանաք, որ երկրորդ նման շանս տեսանելի հեռանկարում կարող է այլևս երբեք չընձեռնվել, ուստի կամ մի կողմ կթողնենք մեր բոլոր կապրիզներն ու կլծվենք հայրենիքի փրկության գործին, կամ հայրենիքը կործանումից չփրկելու համար կմեղադրենք միմիայն մեզ»: