«Գրավի՛ր Ուոլ–Սթրիթը» շարժումը նախատեսում է մայիսի 1–ին գործադուլ և զանգվածային երթ անցկացնել

Նյու Յորքում սկիզբ առած «Գրավի՛ր Ուոլ Սթրիթը» շարժումն իր ակտիվիստներին մայիսի 1–ին համընդհանուր գործադուլի և զանգվածային բողոքի ակցիա անցկացնելու կոչ է արել։

«Գործադուլի օրը գրեթե 99%-ը պետք է ո՛չ ասեն աշխատանքին, դպրոցին, առևտրին, տունը մաքրելուն, բանկ հաճախելուն և ամենակարևորը՝ դուրս գան փողոցներ», - նշվում է շարժման պաշտոնական կայքում։

Շարժման ակտիվիստները պնդել են, որ ձմռանն իրենց պասիվությունը պայմանավորված էր մարդկանց հետ տեղայնացված բնույթի աշխատանքներ տանելով։ Նրանք նաև ընդգծել են ձմռան ամսիներին աշխարհում տեղի ունեցող որոշակի քաղաքական զարգացումները՝ նկատի ունենալով Մոսկվայում ընդդիմության բողոքի ցույցերը։

Հիշեցնենք, որ շարժումը սկիզբ է առել 2011–ի սեպտեմբերին Նյու Յորքում, այնուհետև այդ բողոքի ցույցերի ալիքը տարածվել է ԱՄՆ–ի մի շարք խոշոր քաղաքներում, ինչպես նաև մի շարք եվրոպական երկրներում։