Իսրայելի Կնեսետի նախագահը մտադիր է հասնել Հայոց ցեղասպանության ճանաչմանը
Մերձավոր Արևելք
«Ասպարեզը» հաղորդում է, որ Իսրայելի խորհրդարանի նախագահ Ռեուվեն Ռիվլինը երեքշաբթի օրը հայտարարել է, որ ցանկանում է Կնեսետի լիագումար նիստ հրավիրել Հայոց ցեղասպանության հարցով։ «Իբրև հրեա և իսրայելցի՝ իմ պարտքն է ճանաչել այլ ժողովուրդների ողբերգությունները»,- ասել է նա։
Իսրայելի խորհրդարանի նախագահն ասել է նաև, որ որքան էլ դիվանագիտական նկատառումները կարևոր լինեն, դրանք չպետք է իրենց խանգարեն ճանաչելու մեկ այլ ժողովրդի ապրած ողբերգությունը։
«Ասպարեզն» ընդգծում է, որ Հայոց ցեղասպանության հարցն այս տարվա մայիսի կեսերին Կնեսետի կրթության և մշակույթի հանձնաժողովին ներկայացվեց Մերեց կուսակցության կողմից, որին աջակցում էր նաև Իսրայելի վարչապետ Բենիամին Նեթանիահուի գլխավորած կուսակցությունը։ Ապրիլի 24-ը Իսրայելում իբրև Հայոց ցեղասպանության զոհերի հիշատակի օր նշելու բանաձևը Կնեսետին էր ներկայացրել Առիե էլդադը։ Այն նախատեսում է նաև ապրիլի 24-ին Հայոց ցեղասպանության մասին դասախոսություններ Իսրայելի դպրոցներում։
«Ասպարեզը» հաղորդում է նաև, որ երկու բանաձևերն էլ Կնեսետում քննարկվելու են առաջիկա շաբաթներին։
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
