Իրաքից Սիրիա հումանիտար օգնություն է ուղարկվում, այլ ոչ թե զենք. Իրաքի վարչապետ

Իրաքի իշխանությունները թույլ չեն տա երկրի տարածքն օգտագործել դեպի Սիրիա զենք մատակարարելու համար՝ որպես տարանցիկ ճանապարհ, իսկ Սիրիա ուղարկվող բեռները մարդասիրական օգնություն են հանդիսանում։ Այս մասին հայտարարել է Իրաքի վարչապետ Նուրի ալ–Մալիկին։

«Իրաքից Սիրիա ուղարկվող բոլոր բեռները հումանիտար օգնություն են, այլ ոչ թե զենք։ Իրաքը երբեք թույլ չի տա իր ցամաքային և օդային տարածքն օգտագործել՝ որպես դեպի Սիրիա զենքի առաքման տարանցիկ ճանապարհ», – Росбалт–ը՝ մեջբելով Իրաքի վարչապետ Նուրի ալ–Մալիկիի խոսքերը։ 

Ավելի վաղ ԱՄՆ–ը զգուշացրել էր Իրաքի իշխանություններին՝ այդ երկրի ցամաքային և օդային տարածքը դեպի Սիրիա զենքի առաքման տարանցիկ ճանապարհ դարձնելու անթույլատրելիության մասին։ Վաշինգտոնը հայտարարել էր, որ Իրաքը Սիրիա առաքվող զենքի տարանցիկ ուղի դարձնելը կհամարվի ՄԱԿ-ի Անվտանգության խորհրդի ընդունած 1747 բանաձևի կոպիտ խախտում։

Հիշեցնենք, որ մարտի 18–ին լրանում է Սիրիայում սկսված հակակառավարական բողոքի ցույցերի մեկ տարին։ Համաձայն մի շարք միջազգային իրավապաշտպան կազմակերպությունների զեկույցների՝ Սիրիայի իշխանությունները բանակը օգտագործում են ցույցերը ցրելու և մարդկանց նկատմամբ բռնություններ իրականացնելու նպատակով։ Ըստ ՄԱԿ–ի վերջին տվյալների՝ զոհերի թիվը գերազանցում է 7.5 հազարը։ Սակայն ըստ միջազգային իրավապշտպան կազմակերպությունների՝ զոհերի թիվը հասնում է 8.5 հազարի։