WikiLeaks-ի հիմնադիր Ջուլիան Ասանժը ցանկանում է դառնալ Ավստրալիայի Սենատի անդամ

WikiLeaks–ի հիմնադիր Ջուլիան Ասանժը որոշել է իր թեկնածությունն առաջադրել Ավստրալիայի Սենատի ընտրություններում, հաղորդում է NEWSru.com–ը։

WikiLeaks–ից հայտնի է դարձել, որ թեև Ասանժը ձերբակալվել և գրավի դիմաց ազատ է արձակվել, այնուամենայնիվ նա պահպանել է Ավստրալիայի քաղաքացիությունը և իրավունք ունի առաջադրել իր թեկնածությունը։

Այժմ Լոնդոնի դատարանում քննվում է Ասանժին Շվեդիա էքստրադիցիայի ենթարկելու հարցը, որտեղ նա մեղադրվում է երկու կանանց նկատմամբ սեռական ոտնձգություն իրականացնելու մեջ։ Ասանժը հերքում է իր դեմ ուղղված այդ մեղադրանքը՝ այն համարելով քաղաքական պատվեր։

«Մենք կարծում ենք, որ Ջուլիան Ասանժն իրավունք ունի սենատորի թեկնածու դառնալու, թեև նա ձերբակալված է Մեծ Բրիտանիայում», – ասված է WikiLeaks–ի տարածած հաղորդագրությունում։ Նաև նշվում է, որ Ասանժը որոշել է մասնակցել Ավստրալիայի Սենատի ընտրություններին։

Միացյալ Թագավորության դատական իշխանությունները պետք է որոշեն Ասանժին էքստրադիցիայի ենթարկելու հարցը, քանի դեռ նա գրավի դիմաց ազատության մեջ է գտնվում։

Ավստրալիայի Սենատի ընտրությունները նախատեսված են 2013–ին։