20 մլն դոլար՝ հեռուստաշոուին մասնակցելու համար

Հայտնի երգչուհի Բրիթնի Սփիրսը The X Factor ամերիկյան հեռուստաշոուին մասնակցելու համար 20 մլն դոլար է պահանջել։ Նա համառորեն հրաժարվում է մասնակցել հայտնի հեռուստանախագծին՝ ժյուրիի անդամի կարգավիճակում, 20 մլն դոլարից պակաս գումարի պարագայում։ Նախագծի պրոդյուսերները նրան առաջարկել են 10 մլն դոլար, սակայն Սփիրսը համառում է։

Աստղի պահանջած գումարը նվազեցնելու նպատակով հեռուստանախագծի պրոդյուսերները նույնիսկ տվյալներ են ներկայացրել նախագծի ժյուրիի նախորդ անդամների աշխատավարձերի մասին։ Բրիթնին դեռևս վերջնական որոշում չի ընդունել առաջարկի հետ կապված։