Սիրիայում գտնվող պաղեստինցիների ճամբարում տեղի ունեցած պայթյունի հետևանքով 2 մարդ է զոհվել

Սիրիայի մայրաքաղաքի արվարձաններից մեկում գտնվող պաղեստինցիների ճամբարի տարածքում ավտոմեքենա է պայթել, որի հետևանքով երկու մարդ է մահացել, հայտնում է «Ֆրանս Պրես» լրատվական գործակալությունը։

Միջադեպը տեղի է ունեցել Յարմուկ ճամբարում, որը գտնվում է Դամասկոսից 8 կմ հեռավորության վրա։ Պայթյունի հետևանքով 2 մարդ է մահացել, որոնք գտնվելիս են եղել մեքենայում։ Նախնական տվյալներով՝ ճամբարում գտնվող փախստականները չեն տուժել։

2.1 քկմ տարածք ունեցող Յարմուկը Սիրիայի տարածքում տեղակայված պաղեստինցի փախստականների ամենամեծ ճամբարն է համարվում։ Պաշտոնական տվյալներով՝ ներկայումս այդ ճամբարում բնակվում է մոտ կես միլիոն մարդ։