Անահիտ Մխոյան.«Աղքատության բարձր ցուցանիշը փաստ է»

«Երբ խոսում են թե Հայաստանում սոցիալական աշխատողի ինստիտուտը կայացել է, դա իհարկե միայն մի քանի երկրների հետ համեմատ, սակայն վստահ կարող եմ ասել, որ Հայաստանը շատ հետ է եվրոպական մի շարք երկրներից։

Երևանում մի փոքր ավելի զարգացած է Սոցիալական աշխատողի ինստիտուտը, սակայն պատկերը բոլորովին այլ է մարզերում՝ հատկապես Գյումրիում, Լոռիում։ Մեր ՀԿ–ն գործում է արդեն 1995 թվականից և ես կարող եմ հավաստել, որ 2010–ին, ըստ մեր դիտարկման, սոցիալական աշխատողի ոլորտում գրանցվել է որոշակի առաջընթաց։ Այսօր հասարակության մեջ նկատվում է սոցիալական լարվածություն, որի հիմնական պատճառն անընդհատ շարունակվող վատ վիճակն է»,– այսօր հրավիրված մամլո ասուլիսին ընդգծեց Հայկական «Կարիտաս» բարեգործական ՀԿ-ի գործադիր տնօրեն Անահիտ Մխոյանը։ Նա հավաստեց, որ այսօր Հայաստանում կան բազմաթիվ երիտասարդներ, որոնք առանց որևէ վարձատրություն ակնկալելու սիրով աշխատում են սոցիալական ինստիտուտի կայացման համար։ ՀԿ–ի տնօրենը, խոսելով Հայաստանում աղքատության բարձր ցուցանիշի մասին, փաստեց. «Յունիսեֆը Հայաստանում արձանագրել է, որ հաշմանդամություն ունեցող երեխաների մեծ մասը ապրում են աղքատության մեջ, ինչը շատ մտահոգիչ է։ Մեր կազմակերպությունը նույնիսկ վերջերս աղքատության վերաբերյալ ֆիլմ էր պատրաստել ու ներկայացրել, որը գուցե զայրացրեց պետական այրերին, քանի որ այն լիովին արտացոլում էր աղքատության իրական պատկերը»։