ՄԱԿ–ի և ԱՊԼ–ի փորձագետները ժամանել են Սիրիա բանակցություններ վարելու
Մերձավոր Արևելք
Քոֆի Անանի նախաձեռնութամբ ձևավորված ՄԱԿ–ի և Արաբական երկրների լիգայի փորձագիտական խումբը ժամանել է Սիրիա, հաղորդում է BBC Russian-ը։
Փորձագիտական խմբի առաքելությունն է՝ ՄԱԿ–ի և ԱՊԼ–ի Սիրիայի հարցով հատուկ բանագնաց Քոֆի Անանի առաջարկի շուրջ Սիրիայի իշխանությունների հետ բանակցություններ վարել միջազգային դիտորդական նոր խմբեր ուղարկելու վերաբերյալ։
Միևնույն ժամանակ Կարմիր խաչի միջազգային կոմիտեի ղեկավար Յակոբ Կելենբերգերը ժամանել է Մոսկվա, որտեղ նա մտադիր է բանակցել Ռուսաստանի իշխանությունների հետ, Սիրիայի դեմ ճնշումներ բանեցնելու միջոցով պաշտոնական Դամասկոսից քաղաքացիներին մարդասիրական օգնություն տրամադրելու երաշխիքներ ստանալու նպատակով։
ԿԽՄԿ–ի ղեկավարը հայտարարել է, որ իրավիճակը Սիրիայում «գնալով վատթարանում է և պահանջվում է անհապաղ գործողություններ ձեռնարկել»։
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
