«Հայկական ժամանակ». Ռոբերտ Քոչարյանի և Վլադիմիր Պուտինի հանդիպմումը նոր երևույթ չէ. Էդուարդ Շարմազանով

Ռոբերտ Քոչարյանի գրասենյակի ղեկավար Վիկտոր Սողոմոնյանը երեկ հաստատել է տեղեկությունն այն մասին, որ կիրակի օրը Մոսկվայում տեղի է ունեցել Ռոբերտ Քոչարյանի և Վլադիմիր Պուտինի հանդիպումը:

Ըստ շրջանառության մեջ դրված խոսակցությունների, Պուտինն ու Քոչարյանը քննարկել են ՀՀ ներքաղաքական հարցեր:

Երեկ «ՀԺ»-ի թղթակիցը փորձել է պարզել, թե ինչպես է ՀՀԿ-ն վերաբերվում Ռոբերտ Քոչարյանի և Վլադիմիր Պուտինի հանդիպմանը և ինչ է դա նշանակում: ՀՀԿ խոսնակ Էդուարդ Շարմազանովը պատասխանել է. «Ամբողջ աշխարհում կա նման պրակտիկա, երբ պաշտոնաթող նախագահները հանդիպում են այս կամ այն պետության ղեկավարի հետ կամ որոշակի մասնակցություն է լինում այս կամ այն գործընթացին, դա նոր երևույթ չէ»: Շարմազանովը մի քանի նման օրինակներ է բերել և հավելել «Սովորական ենք վերաբերվում, դա տարածված պրակտիկա է, սովորական երևույթ է»: Այս ամենը չի՞ նշանակում արդյոք, որ Ռ. Քոչարյանն ուզում է վերադառնալ իշխանության, Շարմազանովը պատասխանել է. «Կուզի թե չի ուզի, այդ հարցը պետք է Ռ. Քոչարյանին ուղղեք, ՀՀԿ-ն նորմալ, հանգիստ, կազմակերպված գնում է ընտրական պայքարի իր քաղաքական կոնկուրենտների հետ»: