«Ժողովուրդ». ՄԻՊ խորհրդականը ընդգրկված է ԲՀԿ-ի համամասնական ցուցակում

Համաձայն «Ժողովուրդ»-ի տեղեկությունների՝ Մարդու իրավունքների պաշտպանի խորհրդական, իրավական գիտությունների թեկնածու Ռուստամ Մախմուդյանն ընդգրկված է ԲՀԿ համամասնական ցուցակում: Մախմուդյանը հաստատել է թերթի տեղեկությունը՝ հավելելով որ ԲՀԿ-ն պատրաստակամություն է հայտնել եզդի ազգի ներկայացուցիչ ունենալ խորհրդարանում: «Ես ազգությամբ եզդի եմ և ԲՀԿ-ի հետ քննարկելուց հետո իմ այդ որոշումը կայացրել եմ: Հայտնի է, որ ԲՀԿ-ն ցանկանում Է երիտասարդ ներկայացուցիչներ ունենալ Աժ-ում, ինչի հետ ես համամիտ եմ: Իմ նպատակն Աժ-ում իրավաստեղծ գործունեություն ծավալելն է»,-եզրափակել է ՄԻՊ խորհրդականը:

Թերթը հիշեցնում է, որ Ռուստամը բավականին ակտիվ աշխատել է անցած նախագահական ընտրությունների ժամանակ' որպես մարդու իրավունքների պաշտպանի գրասենյակի արագ արձագանքման խմբի անդամ: Եվ երբ արտակարգ դրություն էր, նա մի շարք թերթերի լրագրողների հետ անձամբ եղել է տպարաններում: