Կահիրեում սպասվում է Հոսնի Մուբարաքի դատավճիռը
Մերձավոր Արևելք
Եգիպտոսի նախկին նախագահ Հոսնի Մուբարաքի՝ 2011թ.-ի հունվարյան հեղափոխության օրերին ցուցարարների սպանության գործով դատավճիռը սպասվում է շաբաթ օրը Կահիրեում: Այս մասին հայտնել է ՏԱՍՍ-ը:
«Դարի դատավճիռը», ինչպես այն կոչել են տեղական լրագրողները, պետք է հրապարակվեր դեռևս սեպտեմբերի վերջին, սակայն մինչև նշված ամսաթիվը չեն հասցրել գրավոր տեսքով պատրաստել բոլոր նյութերը: Մուբարաքի գործով փաստաթղթերը մոտ 160 000 էջ են, մշակվել էր միայն 60%-ը: Երկրի օրենքների համաձայն՝ դատավճիռը չի կարող հրապարակվել մինչև բոլոր գործընթացների վերջը:
Հոսնի Մուբարաքը մեղադրվում է հարյուրավոր ցուցարարների սպանության կազմակերպման համար: Նույնպիսի մեղադրանքներ են առաջադրվել նրա երկու որդիներին և ՆԳՆ նախկին ղեկավարին:
ՈՒՂԻՂ ԵԹԵՐ
Ամենադիտված 
Իմ դարի չափ տխրությունն Անին վերցրեց իր փխրուն ուսերին ու տարավ․ Նազենի Հովհաննիսյան
